سٹی42: شہر میں موٹرسائیکل چوری کا سلسلہ جاری ، جوہر ٹاؤن کے علاقے میں نامعلوم چور ڈاکٹر ہسپتال کے باہر کھڑی شہری کی موٹرسائیکل لے کر فرار ہو گیا۔

جوہر ٹاون میں ڈاکٹرہسپتال کے باہر سے چور شہری کی موٹر سائیکل لے کر فرار ہوگیا جس کی فوٹیج منظر عام پر آ گئی  ہے۔فوٹیج کے مطابق دو نامعلوم چور موٹر سائیکل چوری کر رہے ہیں، ملزمان 15 منٹ تک واردات کیلئے ریکی کرتے رہے۔ شہری بلاول نے تھانہ جوہر ٹاؤن میں اندراج مقدمہ کی درخواست دے دی ہے۔

اس حوالے سے پولیس کا کہنا ہے کہ جلد مقدمہ درج کرکے ملزمان کو گرفتار کر لیں گے۔