سٹی42: وفاقی وزیر اطلاعات نے بتایا کہ کرغزستان میں پاکستان کے سفیر نے تمام پاکستانیوں سے کہہ دیا ہے وہ آئندہ ہدایات تک گھر کے اندر ہی رہیں۔ 

وفاقی وزیر اطلاعات و نشریات عطاءاللہ تارڑ نے سوشل میڈیا پلیٹ فارم ایکس پر پیغام جاری کیا جس میں انھوں نے کہا کہ ہم سفارت خانے سے رابطے میں ہیں اور مسلسل  صورتحال کو دیکھ رہے ہیں۔

عطاءاللہ تارڑ نے مزید بتایا کہ  بشکیک، کرغزستان میں ہنگامی آرائی میں غیرملکی طلباء کو نشانہ بنایا گیا ہے، پاکستانی طلباء کو بالخصوص نشانہ نہیں بنایا گیا، یہ غیر ملکی طلباء پر حملہ تھا اس خطرے کی زد میں پاکستانی طلباء بھی ائے ہیں، ان واقعات میں کوئی پاکستانی طالب علم جاں بحق نہیں ہوا ہے،  میں ذاتی طور پر وہاں حکام سے رابطے میں بھی ہوں اور ابھی تک کسی پاکستانی طالب علم کی ہلاکت کی کوئی اطلاع نہیں ہے۔

Pakistan’s Ambassador to Kyrgyzstan has asked all the Pakistanis to remain indoor until further instructions. We are in touch the Embassy and following up.

In case of emergency, call Embassy at +996507567667 https://t.co/J6kPdNBIVj

— Attaullah Tarar (@TararAttaullah) May 18, 2024