بالی ووڈ کے معروف اداکار عامر خان کی اپنے چھوٹے بھائی فیصل خان سے برسوں بعد ایک فیملی تقریب کے دوران صلح ہوگئی جس میں دونوں ایک دوسرے سے گلے ملے۔
عامر خان اور فیصل خان بھارتی فلمی صنعت کی نمایاں شخصیات میں سے ہیں جن کے درمیان گزشتہ برسوں سے تعلقات کشیدہ چلے آ رہے تھے اور دونوں کے درمیان دشمنی اور اختلافات کی خبریں آتی رہتی تھیں۔
بھارتی میڈیا رپورٹس کے مطابق حال ہی میں عامر خان نے اپنی والدہ زینت حسین کی سالگرہ کے موقع پر ایک خاندانی تقریب میں تھے جہاں دونوں بھائیوں کے گلے ملنے کے منظر کی تصویر کشی کی گئی اور دیکھتے ہی دیکھتے تصویر سوشل میڈیا پر وائرل ہوگئی۔
عامر خان کی بہن نکھت ہیگڈے نے انسٹاگرام پر فیملی ری یونین کی تصاویر شیئر کیں۔ عامر خان پیلے رنگ کا کرتا اور سرخ شلوار میں ملبوس تھے جب کہ ان کے بھائی فیصل نے کالی شرٹ اور سفید پتلون پہنی ہوئی تھی۔
عامر خان اور فیصل خان دونوں تصویر کے لیے اپنی والدہ کے پاس بیٹھے پوز دیتے ہوئے بھی نظر آئے۔ نکھت نے تصویر کا کیپشن دیا، “امی کی سالگرہ کا جشن۔”