لاہور:پی ٹی آئی کے25مئی کو لانگ مارچ کے دوران توڑ پھوڑ ،سرکاری املاک کو نقصان پہنچانے ،پولیس پر تشدد کرنے کا معاملے پر اہم پیشرفت سامنے آئی ہے۔
تفصیلات کے مطابق انسداد دہشت گردی عدالت نے لانگ مارچ کے دوران توڑ پھوڑ، ہنگامہ آرائی کے کیس میں تحریک انصاف کے رہنماؤں کی 28 جون تک عبوری ضمانتیں منظور کر لیں۔
انسداد دہشتگری عدالت نے پولیس کو 28 جون تک ملزمان کی گرفتاری سے روک دیا، پولیس نے تحریک انصاف کے رہنماؤں کو بھاٹی گیٹ کے مقدمے میں نامزد کیا ہے۔
پولیس نے مقدمے میں دہشتگردی کی دفعات شامل کی ہیں، حماد اظہر ،ڈاکٹر یاسمین راشد، میاں اسلم اقبال، محمود الرشید کی عبوری ضمانت منظور کی گئی ہے۔
جبکہ جمشید اقبال چیمہ، مسرت چیمہ، مراد راس، عندلیب عباس سمیت دیگر کی بھی عبوری ضمانت منظور کر لی گئی ہے۔انسداد دہشتگری عدالت نے آئندہ سماعت پر پولیس سے مقدمے کا ریکارڈ طلب کر لیا، تمام ملزمان کو شامل تفتیش ہونے کا بھی حکم دے دیا۔