اسرار خان : لاہور کے مختلف علاقوں سے 4 افراد کی لاشیں برآمد ہوئیں ہیں ۔ 

ایدھی ترجمان کے مطابق داتا دربار ، غالب مارکیٹ ، مسلم ٹاؤن ، کوٹ لکھپت سے 4 لاشیں برآمد ہوئیں۔ داتا دربار ، بیری والا چوک کے قریب 80 سالہ نامعلوم شخص کی لاش برآمد ہوئی۔ غالب مارکیٹ , شیر پاؤ پل کے قریب سے نامعلوم 60 سالہ شخص کی لاش ملی۔ اس کے علاوہ مسلم ٹاؤن ، کیمپس پل نہر سے 40 سالہ شخص کی لاش برآمد ہوئی۔ کوٹ لکھپت ، قینچی سٹاپ کے قریب سے 45 سالہ نامعلوم شخص مردہ حالت میں پایا گیا ۔ 

 ایدھی ترجمان  کا کہنا ہے کہ ہلاک ہونے والے چاروں افراد کی شناخت نہ ہو سکی۔ پولیس اور تحقیقاتی اداروں نے کارروائی کے بعد لاشیں ایدھی ایمبولینس کے ذریعے مردہ خانہ منتقل کر دیں ۔