رائیونڈ (وقاص احمد) انویسٹی گیشن پولیس رائیونڈ سٹی نے تقریباً ایک ماہ قبل زمین ہتھیانے کے لیے 3بچوں کی ماں 27سالہ بہو کو قتل جبکہ بیٹے کو شدید زخمی کرنے والے ملزمان باپ اور بیٹے کو گرفتار کر لیا ۔
تفصیلات کے مطابق سی سی پی او ذوالفقار حمیدنے قتل کی لرزہ خیز واردات کا نوٹس لیتے ہوئے واقعہ میں ملوث ملزمان کی فوری گرفتاری کا حکم دیا۔ایس ایس پی انویسٹی گیشن ذیشان اصغر نے ایس پی صدر انویسٹی گیشن منصور قمر کی سربراہی میں انچارج انویسٹی گیشن رائیونڈ سٹی مہدی حسن کاظمی اور دیگر اہلکاروں پر مشتمل پولیس ٹیم تشکیل دی جس نے مختلف معلومات سمیت جدید ٹیکنالوجی کی مدد سے قتل اور اقدام قتل کی واردات میں ملوث ملزمان سلطان اور اس کے بیٹے عدیل کو گرفتار کر لیا ہے۔
دوران تفتیش ملزم سلطان نے انکشاف کیا کہ وہ اپنی بہو مقتولہ سونیا بی بی جو رشتے میں اس کی سگی بھتیجی بھی تھی کی 20کنال زمین ہتھیانا چاہتا تھا۔ اس لیے اْس نے اپنی بہو کو قتل کرنے کا منصوبہ بنایا اور اس منصوبے میں اپنے بیٹے عدیل کو بھی شامل کر لیا۔ وقوعے کے دن میں نے اپنے سگے بیٹے ندیم سلطان اور اس کی بیوی سونیا بی بی کو ملنے کے بہانے اپنے گھر بلایا اور معمولی تکرارپراپنے بیٹے عدیل کے ساتھ مل کر ٹوکے اور کلہاڑی کے پے در پے وار کر کے بہوسو نیا بی بی کو قتل کردکر دیا۔
جبکہ بیوی کو بچانے کی کوشش کرنے پر بیٹے ندیم سلطان کو شدید زخمی کرکے موقع سے فرار ہو گئے تھے۔ ملزمان کو گرفتار کر کے آلہ قتل ٹوکا اور کلہاڑی بھی برآمد کر لی گئی۔ ڈی آئی جی انویسٹی گیشن لاہور شہزادہ سلطان نے قتل کی سنگین واردات میں ملوث ملزمان کی گرفتاری پر پولیس ٹیم کے لیے تعریفی اسناد کا اعلان کیا۔