ویب ڈیسک: سکول بند کرنے سے متعلق جھوٹی خبروں اور افواہوں پر این سی او سی کا ردعمل سامنے آگیا۔
تفصیلات کے مطابق این سی او سی کے آفیشل ٹوئٹر ہینڈل سے ٹویٹ میں خبردار کیا گیا۔ ٹویٹ میں کہا گیا ہے کہ ایک جعلی ٹویٹر اکاؤنٹ کے ذریعے پرائمری اسکولوں کی بندش کے حوالے سے ایک جعلی خبر گردش کر رہی ہے۔ اس اکاؤنٹ کے خلاف ایف آئی اے سائبر کرائم ونگ کے ذریعے کارروائی شروع کر دی گئی ہے۔
واضح رہے کہ فیک اکاؤنٹ سے خبر پھیلائی گئی تھی کہ تاحکم ثانی تمام پرائمری سکولوں کو بند کرنے کا فیصلہ کیا گیا ہے۔مزید یہ کہا گیا تھا کہ اس بارے میں جلد اعلان کیا جائے گا۔