عثمان خان: الیکشن کمیشن آف پاکستان نے پی ٹی آئی کے بانی کے نامزد کردہ وزیراعلیٰ کےپی کے امیدوار علی امین گنڈاپور کی کامیابی کا نوٹیفکیشن جاری کردیا۔
این اے 44 ڈیرہ اسماعیل خان اورپی کے 113 ڈیرہ اسماعیل خان سے علی امین گنڈا پور کے آٹح فروری کے الیکشن میں کامیاب ہونے کا نوٹفکیشن آج خیبر پختونخوا سے قومی اسمبلی اور صوبائی اسمبلی کے انتخابات میں کامیاب ہونے والے دوسرے تمام ارکان کے نوٹیفیکیشنز کے ساتھ جاری نہیں کیا گیا تھا۔
سٹی42: بلوچستان کی صوبائی اسمبلی کے مزید 3 آزاد ارکان صدر آصف علی زرداری کے ساتھ ملاقات کے بعد پاکستان پیپلز پارٹی میں شامل ہو گئے۔
سابق صدر سے ملاقات کرنے والے 3 آزاد ارکان صوبائی اسمبلی لیاقت لہڑی، اسفند یار کاکڑ اورمولوی نوراللہ اب پاکستان پیپلز پارٹی کا حصہ بن چکے ہیں۔
بلوچستان میں پیپلزپارٹی اب 14 اراکان اسمبلی کے ساتھ سب بڑی پارلیمانی پارٹی ہے۔
آٹھ فروری کے عام انتخابات میں پیپلزپارٹی نے بلوچستان اسمبلی میں 11 نشستین جیتی تھیں۔ جمعیت علمائے اسلام نے بھی بلوچستان اسمبلی کی 11 نشستیں حاصل کیں۔ بعد میں آزاد منتخب ہونے والے 6 ارکان مین سے ایک مسلم لیگ نون میں چلا گیا اور تین ارکان پاکستان پیپلز پارٹی میں شامل ہو گئے۔ بلوچستان عوامی پارٹی (باپ) نے 4 نشستیں حاصل کی ہیں۔ ایک نشست کا نتیجہ رکا ہوا ہے۔
بلوچستان میں حکومت بنانے کے حوالے سے میر سرفراز بگٹی نے دو دن پہلے اسلام آباد مین اپنے گھر پر عشائیہ میں اعلان کر دیا تھا کہ وہ اپنے نمبرز پورے کر چکے ہیں۔
آج اتوار کے روز بلوچستان کی سیاست میں نئی اطلاع یہ آئی کہ مسلم لیگ نون نے اپنے طور پر حکومت بنانے کی کوششوں کا اعلان کر دیا۔
February 02, 2024
February 02, 2024
سٹی42: الیکشن کمیشن آف پاکستان نے علی امین گنڈاپور کی ڈیرہ اسمعیل خان میں کامیابی کے نوٹیفکیشن روک لیے۔
ذرائع کے مطابق 8 فروری کے الیکشن میں علی امین گنڈا پور کو این اے 44 اور پی کے 113 میں غیر حتمی نتائج میں کامیاب قرار دیا گیا تھا۔ این اے 44 مین علی امین کے مقابل جمعیت علما اسلام کے امیر مولانا فضل الرحمان اور پاکستان پیپلز پارٹی کے لیڈر فیصل کریم کنڈی ہیں۔ دونوں کی جانب سے اس حلقہ میں دھاندلی کا الزام سامنے آیا، مولانا فضل الرحمان نے دھاندلی کے الزامات لگانے پر ہی اکتفا نہیں کیا بلکہ باقاعدہ احتجاجی تحریک شروع کر دی ہے۔ ذرائع کا کہنا ہے کہ قومی اور صوبائی اسمبلی کے کامیاب امیدواروں کے نوٹیفکیشن میں علی امین گنڈاپور کا نام نہیں ہے۔
الیکشن کمیشن کی جانب سے جاری کیے گئے نوٹیفکیشن میں این اے 44 اور پی کے 113 کے خانے میں کوئی نام درج نہیں ہیں۔
18 Feb, 2024
18 Feb, 2024