سٹی42: چیف جسٹس آف پاکستان جسٹس قاضی فائز عیسیٰ نے کمشنر راولپنڈی لیاقت چٹھہ کے الیکشن 2024 میں خود دھاندلی میں ملوث ہونے اور اپنے ساتھ چیف جسٹس آف پاکستان اور چیف الیکشن کشنر کو بھی دھاندلی میں ملوث قرار دینے کے بظاہر بے بنیاد الزام کا انتہائی سختی سے نوٹس لیا اور خود میڈیا کے سامنے آ گئے۔
چیف جسٹس آف پاکستان نے ججوں کے معمول کے برعکس خود میڈیا کیمروں کے سامنے آ کر کہا کہ "الزام کوئی بھی لگاسکتاہے،ثبوت بھی دیناہوتاہے" ، چیف جسٹس فائزعیسٰی نے کہا کہ "کوئی مجھ پر بھی قتل کا الزام لگاسکتاہے" "کمشنرسےپوچھیں کوئی ثبوت ہے؟"
چیف جسٹس قاضی فائز عیسیٰ نے مزید کہا کہ "الیکشن کاحکم میں نےنہیں دیاتھا"۔"ہم نے اداروں میں تصفیہ کرایاتھا"۔