سٹی 42 : لاہور پولیس اور ڈولفن اہلکاروں نے شہر کے مختلف علاقوں میں کارروائیوں کے دوران اشتہاری اور ڈکیتی میں ملوث ملزم گرفتار کرلیے ۔
تھانہ ساندہ انچارج انویسٹی گیشن حسن زاہدنے ٹیم کےہمراہ کارروائی کے دوران فنانشل کرائم کے مقدمات میں مطلوب 4اشتہاری گرفتارکرلیے۔
پولیس کے مطابق گرفتار ملزمان میں محمد آصف، محمد صدیق، محمد راشد ،اشتیاق اشفاق شامل ہیں ۔ ملزم محمد آصف نے شہری عبدالقیوم کو 1کروڑ 30لاکھ کے بوگس چیک دیئےتھے، ملزم محمد صدیق نے شہری سلطان لال خان کو 15لاکھ کے بوگس چیک دیئےتھے، ملزم محمد راشد نے شہری ذوالکیف کو20 لاکھ کےبوگس چیک دیئےتھے، جبکہ ملزم اشتیاق اشفاق نے شہری عدیل رشید کو 10لاکھ کے بوگس چیک دیئےتھے ۔
گلبرگ ڈولفن ٹیم نے خاتون سے قیمتی موبائل چھیننے کی واردات ناکام بنا دی
ڈولفن ٹیم نے خاتون سے موبائل چھیننے والے دو ملزموں میں سے ایک کو گرفتار کر لیا ۔ ترجمان ڈولفن کا کہناہے کہ ملزم خاتون سے قیمتی موبائل چھین کر فرار ہو رہے تھے، ڈولفن ٹیم نے تعاقب کے بعد حفیظ سینٹر سے 1 ملزم کو دھر لیا، جبکہ ساتھی فرار ہوگیا ۔
ترجمان ڈولفن نے بتایا کہ ریکارڈ یافتہ ملزم حفیظ سے فون برآمد ہوا، جسے مزید کارروائی کیلئے تھانہ گلبرگ کے حوالے کردیا گیا ۔
محکمہ ایکسائز نے سندر کے علاقہ میں چھاپہ مار کر شراب کی بڑی کھیپ پکڑلی
ای ٹی او دانیال لنگڑیال کے حکم پر انسپکٹر قمرشاہ کی سربراہی میں کارروائی کی گئی، کارروائی کے دوران 6 ملزمان کے قبضے سے نو ڈرم شراب برآمد ہوئے جن میں 1800 لیٹر شراب موجود بھی، جو تھانہ سندر پولیس کے حوالے کردی گئی ۔
ای ٹی او دانیال لنگڑیال کا کہنا ہے کہ ملزمان کے خلاف مقدمہ درج کرواکر کاروائی شروع کردی گئی، ملزمان نے کرسمس کے موقع پرشہر کے مختلف علاقوں میں سپلائی کرنا تھی۔ انہوں نے کہا کہ جعلی شراب کی روک تھام کیلئے خصوصی ٹیمیں تشکیل دے دی گئیں ۔
مزنگ پولیس نے کارروائی کے دوران 2 رکنی ڈکیت گینگ گرفتار کرلیا
پولیس کے مطابق گرفتار ملزموں میں زوہیب اور اس کا ساتھی شہزاد شامل ہیں ۔ ملزمان کو واردات کے بعد فرار ہوتے ہوئے گرفتار کیا گیا ۔
پولیس کا کہنا ہے کہ گرفتار ملزمان سے لوٹی گئی نقد رقم اور اسلحہ برآمد ہوا، ملزموں کے خلاف مقدمہ درج کردیا گیا ۔