(سٹی 42) کاؤنٹر ٹیررازم ڈیپارٹمنٹ پنجاب نے کارروائی کر کے12مبینہ دہشت گردوں کوگرفتار کر لیا,گرفتار دہشت گردوں کیخلاف لاہور سمیت دیگر اضلاع میں مقدمات کا اندراج کرلیا گیا .
سی ٹی ڈی پنجاب نے دہشت گردی کے کسی بھی ناخوشگوار واقعہ سے مؤثر طریقے سے نمٹنے کے لیے صوبہ بھر کے مختلف اضلاع میں 38انٹیلی جنس بیسڈ آپریشنزکیے جس میں 42 مشتبہ افراد سے پوچھ گچھ کے دوران12 مبینہ دہشت گردوں کو گرفتار کرکر کے ان کے قبضہ سے اسلحہ،دھماکہ خیز و دیگر ممنوعی مواد برآمد کر لیا۔
گرفتار دہشت گردوں میں محمد عارف،ذاکر اللہ،خرم علی، اویس خان، اکمل شہباز، جنت خان، جلات خان، عرفان خان،جاوید خان، بصیر خان، آدم خان اورزاہد خان شامل ہیں جن کاتعلق تحریک طالبان پاکستان،داعش سمیت دیگر مختلف کالعدم مذہبی تنظیموں سے ہے۔ترجمان نے کہاکہ دہشت گردوں کے قبضے سے ایک آئی ای ڈی بم، دھماکہ خیز مواد بھی برآمد کیا گیا ہے۔