ویب ڈیسک: بھارت کے بہترین  اسپنر روی چندر ایشون نے پاکستانی کرکٹرز کے لیے کھلے دل سے اپنی پسندیدگی کا اظہار کیا جس سے انہوں نے  پاکستانی شائقین کے دل جیت لیے۔

رپورٹ کے مطابق حال ہی میں سوشل میڈیا پر  ایشون کی ایک ویڈیو وائرل ہوگئی  جس میں بھارتی اسپنر سے ان کے پسندیدہ پاکستانی کرکٹر سے متعلق سوال پوچھا گیا۔ایشون نے پاکستانی کرکٹ ٹیم میں شاندار ٹیلنٹ کا اعتراف کیا اور  بتایا کہ ان کے پسندیدہ پاکستانی کرکٹرز  بابر اعظم، محمد رضوان اور شاہین شاہ آفریدی ہیں۔

بھارتی اسپنر نے اعتراف کیا کہ میں کافی عرصے سے وکٹ کیپر  بیٹر محمد رضوان کو فالو کر رہا ہوں، اس میں کوئی شک نہیں کہ وہ ایک شاندار کھلاڑی ہیں اور اپنی ہر نئی اننگ میں بہترین فارم میں ہوتے ہیں۔ایشون نے کہا کہ رضوان کے علاوہ مجھے بابر اعظم بھی بہت پسند ہیں، ان کی بیٹنگ کی صلاحیتیں کمال کی ہیں۔

Ravichandran Ashwin favorite Current Pakistani Players

Standout Performer = Babar Azam ❤️
He mentioned Mohammad Rizwan and Shaheen Shah Afridi too pic.twitter.com/gNDQkYTxtN

— Hamza Khan ???????? (@HamzaKhan259) December 17, 2021

بابر اعظم کے بعد ایشون نے پاکستان کے فاسٹ بولر شاہین شاہ آفریدی کا نام لیا اور ساتھ یہ بھی کہا کہ پاکستانی ٹیم میں ہمیشہ اچھے کھلاڑی موجود رہے ہیں اور موجودہ پاکستانی ٹیم میں بھی باصلاحیت کرکٹرز موجود ہیں۔