ویب ڈیسک : ملائیشیا میں ایک چھوٹا طیارہ سڑک پر گرکر تباہ ہونے سے 10 افراد ہلاک ہوگئے۔
ملائشیا کی پولیس کے مطابق طیارہ ریاست سلنگور کی شاہراہ پر گر کر تباہ ہوا، حادثے میں طیارے میں سوار 8 افراد اور سڑک سے گزرنے والا ایک کار سوار اور ایک موٹرسائیکل سوار ہلاک ہوا۔
طیارے میں عملےکے دو افراد اور ریاستی رکن اسمبلی سمیت 6 مسافر سوار تھے۔
مقامی میڈیا کے مطابق فضائی حادثات کے تحقیقاتی بیورو نے حادثے کی تحقیقات شروع کردی ہیں۔
اس حادثہ میں طیارہ کے گرنے کے وقت کئی کار وں کے ڈیش کیم نے اس حادثہ کو کچھ فاصلہ سے ریکارڈ بھی کر لیا۔ اس وقت یہ ویڈیوز سوشل میڈیا پر وائرل ہ ہیں۔ ایک ویڈیو میں طیارہ کو اڑتے ہوئے اور پھر اچانک سڑک پر گرتے ہوئے دیکھا جا سکتا ہے جبکہ ایک ویڈیو میں طیارہ کے گرنے کی جگہ کے بالکل قریب کار کے سڑک پر چلتے چلتے اچانک طیارہ کے فیول کے بکھرنے سے بننے والا آگ کا بہت بڑا گولا سڑک پر پھیلتے دیکھا جا سکتا ہے، کار اس آگ کے گولے سے سلامت گزرتی دیکھی جا سکتی ہے۔
ملائیشیا کے سڑک پر حادثہ کا شکار ہونے والے طیارے کا کپتان ایک تجربہ کار ہوا باز تھا جس نے آخری بار اتحاد کے ساتھ تجارتی اڑان بھری تھی۔
ملائیشیا میں آج کے نجی جیٹ کے حادثے نے تجارتی ایوی ایشن کمیونٹی میں صدمے اور اداسی کی لہر دوڑا دی ہے۔
بیچ کرافٹ ماڈل 390 طیارہ کو ایک تجربہ کار پائلٹ اڑا رہا تھا جو دنیا کی تین معروف کمرشل ایئر لائنز میں کام کر چکا ہے۔ کیپٹن شہر کمال روسلان، جو پیار سے 'چومل' کے نام سے جانے جاتے ہیں، اس سے قبل ایئر ایشیا، ملائیشیا ایئر لائنز، اور حال ہی میں اتحاد کے لیے فرسٹ آفیسر کے طور پر پرواز کر چکے ہیں۔
کیپٹن شہرول وبائی امراض کے دوران اتحاد کے ساتھ اپنی نوکری کھونے کے بعد نجی ہوا بازی کے شعبے میں چلے گئے۔
آج کے سانحے نے کیپٹن شہرول کے اہل خانہ، دوستوں اور ساتھیوں ککو گہرے صدمہ سے دوچار کر دیا ہے۔