سٹی42: پنجاب پولیس نے صوبہ بھر میں منشیات فروشوں کے خلاف بڑا کریک ڈاؤن کرتے ہوئے 24 گھنٹوں کے دوران مختلف علاقوں میں 211 چھاپے مارے جس کے دوران 113 منشیات فروشوں کو گرفتار کر لیا گیا۔
ترجمان پنجاب پولیس کے مطابق چھاپوں کے دوران 48 کلوگرام چرس، 3 کلوگرام آئس، 1109 لیٹر شراب، ہیروئن سمیت دیگر منشیات برآمد کی گئیں۔
تمام ملزمان کے خلاف مقدمات درج کر کے مزید تحقیقات شروع کر دی گئی ہیں۔
دوسری جانب آئی جی پنجاب نے صوبے بھر میں منشیات ڈیلرز اور اسمگلرز کے خلاف جاری خصوصی آپریشنز کو مزید مؤثر بنانے کی ہدایت کرتے ہوئے کہا ہے کہ آن لائن منشیات کی خرید و فروخت میں ملوث عناصر کی گرفتاری کو یقینی بنایا جائے جبکہ تعلیمی اداروں اور ہاسٹلز کے گرد انٹیلی جنس بیسڈ آپریشنز میں مزید تیزی لائی جائے۔