راؤدلشاد:اپنی چھت، اپنا گھر پراجیکٹ نے نئے ریکارڈ بنا دیئے، تاریخ میں پہلی مرتبہ مختصر ترین مدت میں گھر بننے کا ریکارڈ، کوئی حکومت 5 سال میں اتنے گھر نہیں بنا سکی جتنے 5 ماہ میں بن چکے۔
تفصیلات کےمطابق 5ماہ میں 28219 گھرانوں کو 30 ارب کے بلاسود قرضے مل گئے، وزیراعلیٰ پنجاب مریم نوازشریف کی زیر صدارت خصوصی اجلاس ہوا، جس میں اپنی چھت،اپنا گھر پروگرام میں جاری قرضوں کے حصول و وصولی پر بریفنگ دی گئی۔
وزیراعلیٰ نے ”اپنی چھت،اپنا گھرپروگرام“ لون کا پراسیس مزید تیز کرنے کی ہدایت کی، وزیراعلیٰ مریم نواز شریف نے گھروں کی تعمیر کا ٹارگٹ ہر صورت پورا کرنے کا حکم دیا، عوام کی دلچسپی کے پیش نظر مزید کمرشل بینک شامل کرنے کی تجویز کا جائزہ لیا۔
اپنی چھت، اپنا گھر کے تحت 23ہزار500سے زائد گھر تکمیل کے آخری مراحل میں ہیں،
وزیراعلیٰ پنجاب کا کہنا تھا کہ اپنی چھت،ا پنا گھر پروگرام کے تحت لون کی تقسیم کے عمل حائل رکاوٹیں دور کی جائیں ،عوام کی خدمت ہی ہمارا واضح ویژن ہے۔