(ویب ڈیسک)موٹر سائیکل کے شوقین افراد ان کی بڑھتی ہوئی قیمتوں سے پریشان دکھائی دیتے ہیں اور مہنگی موٹر سائیکل کی بجائے سستی کی تلاش کرتے ہیں، پاکستان مارکیٹ میں اگرچہ اس وقت اعلیٰ درجے کی بائیکس کا کوئی متبادل نہیں لیکن چائنا کی ایسی مختلف موٹر سائیکلیں ہیں جو پہنچ سے دور نہیں۔
تفصیلات کےمطابق موٹر سائیکلوں کی قیمتوں نے خریداروں کے لئے مشکلات پیدا کردی ہیں جبکہ دوکاندار بھی مایوس ہیں کیونکہ مہنگائی کی وجہ سے موٹرسائیکلوں کی فروخت میں کمی ہورہی ہے، پاکستان میں موٹر سائیکل کے شوقین افراد کی پریشانی چائنا نے دور کی، ملک میں چند بہترین چائنا موٹر سائیکلیں دستیاب ہیں جن کی قیمتیں بھی مناسب ہیں، یہ بائیک ملک میں متوسط اور نچلے متوسط طبقے کے لوگوں میں بے حد مقبول ہو چکی ہیں۔
روڈ پرنس نے تقریباً ایک دہائی قبل مقامی بائیک مارکیٹ میں قدم رکھا تھا۔ کمپنی نے گزشتہ برسوں کے دوران صارفین کو اپنی طرف متوجہ کرنے کے لیے موٹر سائیکل کے متعدد ماڈلز متعارف کروائے ہیں۔ اس کی اعلیٰ کارکردگی والے موٹر سائیکلوں نےمقامی مارکیٹ میں پذیرائی حاصل کی، روڈ پرنس 70 سی سی کی قیمت 63 ہزار، روڈ پرنس 100 سی سی 68 ہزار اور روڈ پرنس 125 کی قیمت 98 ہزار روپے ہے۔
کراؤن
پاکستان میں چائنا موٹر سائیکلوں کی فہرست میں شامل ایک اور برانڈ کراؤن ہے۔ یہ چینی بائیکس کو مقامی مارکیٹ میں لانے والے پہلے برانڈز میں سے بھی ہے۔ ملک بھر میں اس کی مقبولیت کے باوجود بائیک استعمال کرنے والوں کی نسبتاً محدود تعداد کراؤن بائیکس خریدنے کو ترجیح دیتی ہے۔ کراؤن 70 سی سی 66 ہزار، کراؤن 100 سی سی 74 اور کراؤن125 سی سی 1 لاکھ 11 ہزار کی ہے۔
ہیرو
پاکستان میں چینی موٹر سائیکلوں کے لیے نسبتاً کم مقبول برانڈ ہیرو ہے۔ کمپنی نے پہلے سے قائم سستی بائیک مارکیٹ کا مقابلہ کرنے کے لیے کنزیومر سیکٹر کی بائیکس متعارف کرائی ہیں۔ہیرو 70 سی سی 58 ہزار سے 62 ہزار کے درمیان میں ہے جبکہ ہیرو125 سی سی 90 سے 95 کی ہے۔
راوی
راوی نے پاکستان میں متاثر کن موٹر سائیکل لائن اپ کے ساتھ آغاز کیا۔ تاہم کمپنی نے مقامی مارکیٹ میں اپنی رسائی کو بڑھانے کے لیے اپنی بائیکس کے معیار اور ڈیزائن کو بہتر کیا۔ فی الحال راوی پاکستان میں اپنی 70cc بائیکس کے لیے مشہور ہے۔راوی 70 سی سی 62 اور راوی 100 سی سی 65 ہزار کی ہے۔
سپر پاور
روڈ پرنس اور دیگر برانڈز کے برعکس سپر پاور اپنی محدود ڈیلرشپ اور بائیک ماڈلز کی وجہ سے مارکیٹ کے ایک چھوٹے سے حصے پر قبضہ کرنے میں کامیاب رہی ہے۔ سپر پاور 70 سی سی 61 اور سپر پاور125 سی سی 95 ہزار میں فروخت ہورہی ہے۔
یونائیٹڈ
مارکیٹ میں بہترین آپشنز کے طور پر یونائیٹڈ بھی ہے جو کہ موٹر سائیکلوں کے شوقین میں کافی مقبول ہے، پورے ملک میں ڈیلرشپ پر معیاری بائیک مل سکتی ہیں۔یونائیٹڈ 70 سی سی 63، یونائیٹڈ 100 سی سی 72 اور یونائیٹڈ 125 سی سی 1 لاکھ تک فروخت ہورہی ہے۔
یونیک
یونیک نے کئی سال قبل پاکستان میں اپنی چائنیز بائیکس لانچ کی تھیں۔ کمپنی نے مقامی مارکیٹ میں سست ترقی دیکھی ہے۔یونیک 70 سی سی کی قیمت 62 ہزار، یونیک 100 سی سی 72 اور یونیک 125 سی سی کی قیمت 98 ہزار مقرر کی گئی ہے۔