(عمران یونس) جی سی یونیورسٹی میں فرسٹ ایئر پارٹ ون کی کلاسز کا آغاز 19 ستمبر سے ہوگا۔ یونیورسٹی انتظامیہ نے طلبہ کے لئے انتباہ جاری کر دیا۔
تفصیلات کےمطابق وائس چانسلر گورنمنٹ کالج یونیورسٹی پروفیسر ڈاکٹر اصغر زیدی کے مطابق طلبہ اپنی کلاسوں میں شامل ہونے کے لیے 19 ستمبر صبح 8 بجے جی سی یو میں کیمپس کے نئے بلاک میں رپورٹ کریں۔
فیکلٹی طلبہ کی رہنمائی کے لیے پیر کی صبح ہیلپ ڈیسک پر دستیاب ہو گی۔ پروفیسر ڈاکٹر اصغر زیدی کا کہنا ہے رول نمبرز کی فہرست، ٹائم ٹیبل اور سیکشنز کے تعین کا طریقہ یونیورسٹی کی ویب سائٹ پر اپ لوڈ کر دیا گیا۔19 اور 20 ستمبر کو اورینٹیشن سیشنز ہوں گے۔