سٹی42: جمعرات کے روز جرمنی کے بحری جنگی جہاز نے لبنان کے ساحل پر ایک ڈرون مار گرایا۔
برلن، جرمنی — اقوام متحدہ کے UNIFIL مشن کے ایک حصے کے طور پر کام کرنے والے ایک جرمن جنگی جہاز نے لبنان کے ساحل پر ایک بغیر پائلٹ پرواز کرنے والی چیز کو مار گرایا۔ جرمن وزارت دفاع کے ترجمان نے رائٹرز کو اس واقعہ کے بارے میں بتایا ۔ جرمنی کی ڈی پی اے نیوز ایجنسی نے سب سے پہلے اس واقعے کی اطلاع دی۔
اسرائیل کی جانب سے اکتوبر میں حزب اللہ کے عسکریت پسندوں کے خلاف زمینی کارروائی شروع کرنے کے بعد سے لبنان میں UNIFIL کی پوزیشنیں تنقید کی زد میں ہے۔ اسرائیل کی جانب سے جنوبی لبنان میں کام کرنے والے امن فوجیوں کو اس بنا پر کام کرنے سے روکنے کی کوششیں کی گئی ہیں کہ اسرائیل کو شبہ ہے کہ حزب اللہ کے کارکن اقوام متحدہ کے اس امن مشن کے کارکنوں کے ساتھ ساز باز کر کے ایمبولینسوں کو اپنے مقاصد کیلئے استعمال کر رہے ہیں۔