کار خریداروں کی پسندیدہ چوائس ہونڈا سٹی کی نئی قیمت اور انسٹالمنٹ پلان آگیا

سٹی 42 :کار خریداروں کی پسندیدہ چوائس ہونڈا سٹی پاکستان نے اپنے ماڈلز کی نئی قیمت اور انسٹالمنٹ پلان مارکیٹ میں متعارف کروا دیا ہے ۔ 

ہونڈا سٹی کی تازہ ترین جنریشن دلکش بیرونی ڈیزائن کے ساتھ آتی ہے، جس میں تیز اور خوبصورت باڈی لائنز ہیں۔ اس میں پش بٹن اسٹارٹ، کی لیس انٹری اور دیگر دلچسپ تبدیلیاں شامل ہیں۔ اس میں خودکار درجہ حرارت کنٹرول، جدید لیڈ ہیڈلائٹس، ایل ای ڈی ٹیل لائٹس، اور جدید ملٹی میڈیا سسٹم بھی شامل ہیں۔1.5 لیٹر i-VTEC انجن کے ساتھ یہ گاڑی طاقت اور ایندھن کی بچت کا ایک زبردست امتزاج فراہم کرتی ہے، جو شہری سفر اور طویل ڈرائیوز دونوں کے لیے مثالی ہے۔ یہ گاڑی اینٹی لاک بریکنگ سسٹم (ABS)، اور ویہیکل اسٹیبلٹی اسسٹ (VSA) سے لیس ہے، جو سڑک پر محفوظ ڈرائیونگ فراہم کرتا ہے۔

ہونڈا سٹی کے مختلف ویریئنٹس پاکستان میں ہونڈا سٹی پانچ ویریئنٹس میں دستیاب ہے:

ہونڈا سٹی 1.2L MT

ہونڈا سٹی 1.2L CVT

ہونڈا سٹی 1.5LS CVT

ہونڈا سٹی 1.5LAS MT

ہونڈا سٹی 1.5LAS CVT

 انسٹالمنٹ پلان

اکتوبر 2024 تک ہونڈا سٹی 1.5LS CVT کی قیمت بغیر کسی تبدیلی کے 54,39,000 روپے ہے۔ 

ہونڈا سٹی 1.5 CVT تین سالہ قسط پلان بینک الفلاح کے ذریعے ہونڈا سٹی 1.5LS CVT ویریئنٹ کا تین سالہ قسط پلان 30% سیکیورٹی ڈپازٹ اور باقی ماندہ قیمت کے ساتھ دستیاب ہے۔ خریدار کو 16,31,700 روپے ڈاؤن پیمنٹ کے طور پر ادا کرنا ہوں گے جبکہ بینک 38,07,300 روپے کا حصہ ڈالے گا۔تین سالہ پلان کے لیے ماہانہ قسط 1,52,083 روپے ہوگی۔