(ویب ڈیسک)سابق وزیر اعظم شاہد خاقان عباسی کی میڈیا سے گفتگو، کہا اگر ہماری کمپئین مضبوط ہوتی تو مزید دو سیٹوں پر شکست دے سکتے تھے ۔

سابق وزیر اعظم شاہد خاقان عباسی کی میڈیا سے گفتگو کرتے کہا کہ ضمنی الیکشن کے نتائج کسی پارٹی کے بیانیہ کی ہار یا جیت نہیں ہے ،ضمنی الیکشن میں 8 سیٹیں تحریک انصاف کی تھیں جس میں سے دو ہم نے جیت لیں،مسلم لیگ ن کا بیانیہ صرف پاکستان کی خدمت کرنا ہے،دو ضمنی انتخابات میں مسلم لیگ ن لڑی کامیابی نہیں ہوئی جنرل الیکشن میں کامیابی ہوگی،پاکستان کے لئے اب نواز شریف کا آنا ضروری ہے۔

واضح رہے کہ قومی اسمبلی کے 8 حلقوں کے ضمنی انتخابات میں پاکستان تحریک انصاف نے میدان مارلیا اور اب تک کے غیر حتمی و غیر سرکاری نتائج کے مطابق پی ٹی آئی چیئرمین عمران خان  نے 6 نشستیں جیت لیں جبکہ پیپلزپارٹی نے ملیر اور ملتان  میں کامیابی حاصل کی ہے۔