سٹی 42 : محکمہ موسمیات نے کہا ہےکہ ملک کے بیشتر علاقوں میں موسم خشک اور سرد رہنے کا امکان ہے، پنجاب کے بعض مشرقی اضلاع میں سموگ / ہلکی دھند چھائے رہنے کا امکان ہے ۔
سوموار کے روز موسم کی صورتحال کے متعلق محکمہ موسمیات کا کہنا ہےکہ اسلام آباد اور گردونواح میں موسم خشک اور صبح اور رات کے اوقات میں سرد رہنے کا امکان ہے۔ خیبر پختونخوا کے بیشتر اضلاع میں موسم خشک جبکہ پہاڑی علاقوں میں صبح/ رات کے اوقات میں سرد رہنے کا امکان ہے ۔
محکمہ موسمیات کے مطابق پنجاب کے بیشتر اضلاع میں موسم خشک رہنے کا امکان ہے، تاہم لاہور، قصور،اوکاڑہ ، سیالکوٹ، حافظ آباد،ٹوبہ ٹیک سنگھ، جھنگ، نارووال ، شیخوپورہ،ساہیوال ، فیصل آباد، بہاولپور ،ملتان، خانیوال، خانپور، رحیم یار خان،ڈی جی خان اور گردونواح میں صبح اور رات کے اوقات میں سموگ/ ہلکی دُ ھند چھائے رہنے کی توقع ہے ۔
محکمہ موسمیات کا کہنا ہے کہ بلوچستان کے بیشتر اضلاع میں موسم خشک جبکہ پہاڑی علاقوں میں صبح/رات کے اوقات میں سرد رہنے کا امکان ہے ۔ سندھ کے بیشتر اضلاع میں موسم خشک رہنے کا امکان ہے، تاہم صبح /رات کے اوقات میں کشمور،سکھر، لاڑکانہ اور گردونواح میں ہلکی دُھند پڑنے کی توقع ہے ۔ کشمیر اور گلگت بلتستان میں موسم سرد اور خشک رہنے کا امکان ہے ۔