سٹی 42: شہرمیں ناجائز اسلحہ کی ترسیل و نمائش کیخلاف یکے بعد دیگر کارروائیوں میں 11 ملزمان کو گرفتار کرلیا گیا ۔
ترجمان ڈولفن کے مطابق بیگم کوٹ، مناواں، شادباغ سے ہوائی فائرنگ کرنیوالے 3 ملزمان گرفتار کیے گئے، ملزمان سے 3 پستول برآمد ہوئے،ملزمان سرعام ہوائی فائرنگ کر کے خوف و ہراس پھیلا رہے تھے۔
ترجمان ڈولفن کا کہنا ہے کہ برکی، گلشن اقبال، سندر، مناواں و دیگر جگہوں سے بھی سنیپ چیکنگ کے دوران 8 ملزمان گرفتار ہوئے، ملزمان کے قبضہ سے 9 پستول، 2 رائفلیں، کارتوس، گولیاں و میگزینز برآمد ہوئے ۔
ترجمان ڈولفن نے کہا کہ ملزمان فہد، سجاد، عامر، بلال دیگر کو قانونی کارروائی کیلئے تھانہ برکی، نواں کورٹ، سندر کےحوالے کردیے جبکہ دیگر ملزمان ملزمان شادباغ، مناواں، لاری اڈھ، چوکی بیگم کوٹ کے حوالے کیے گئے ۔