سٹی 42:پنجاب پولیس نے مختلف وارداتوں میں مطلوب 2 لاکھ کے قریب ملزمان گرفتار کر لئے
 ترجمان پولیس کے مطابق رواں سال صوبہ بھر میں 1 لاکھ 19 ہزار 961 اشتہاری ملزمان گرفتار ہوئے ۔گرفتار شدگان میں اے کیٹیگری کے 21701، بی کیٹیگری کے 98620 اشتہاری شامل ہیں ۔ پولیس کریک ڈاؤن میں 59569 عدالتی مفرور بھی گرفتار کئے گئے، اے کیٹیگری کے 5800 اور بی کیٹیگری کے 54169 عدالتی مفروران شامل ہیں،دوران آپریشنز 31 ہزار 574 ٹارگٹ آفینڈرز عادی مجرم بھی گرفتار ہوئے ۔اے کیٹیگری کے 13000 ، بی کیٹیگری کے 18474 ٹارگٹ آفینڈرز شامل ہیں ۔ سنگین جرائم میں مطلوب 91 اشتہاریوں کو بیرون ممالک سے پاکستان منتقل کیا گیا،لاہور میں 61 ہزار خطرناک ملزمان گرفتار کئے گئے، 
آئی جی پنجاب  نے  کامیاب کارروائیوں پر پولیس ٹیموں کو شاباش دی ۔ اور  کریک ڈاؤن مزید تیز کرنے کا حکم دیا ۔ آئی جی پنجاب کا کہنا تھا کہ موثر تفتیش سے ملزمان کو قرار واقعی سزائیں دلوائی جائیں،