ویب ڈیسک:پاکستانی اداکارہ ہانیہ عامر کا بھارتی گلوکار و ریپر بادشاہ کے گلے لگنا سوشل میڈیا صارفین کو برہم کرگیا۔
تفصیلات کے مطابق پاکستان شوبز انڈسٹری کی معروف اداکارہ ہانیہ عامر نے فوٹو اینڈ ویڈیو شیئرنگ ایپ انسٹاگرام پر ایک ویڈیو بطور اسٹوری شیئر کی ہے جس میں انہیں اپنے قریبی دوست بادشاہ کے ساتھ دیکھا جاسکتا ہے۔
ویڈیو کسی ریسٹورنٹ یا گھرکی نہیں بلکہ بادشاہ کے کنسرٹ کی ہی ہے جس میں ہانیہ عامر نے بھی شرکت کی اور اس بات کو ایپریشیئٹ کرتے ہوئے بادشاہ نے ہانیہ عامر کو گلے لگا کر انکا نام مائیک پر لیکر فینز سے بھی تالیاں بجانے کو کہا۔
ہانیہ عامر نے اس ویڈیو کو شیئر کرتے ہوئے ساتھ میں لکھا کہ 'یہ میرا بہت بہترین دوست ہے اور ایک زبردست راک اسٹار بھی ہے، ہیرو ہے'۔
اگرچہ اب تک بھارت میں ضرور ہانیہ عامر اور بادشاہ کی دوستی پر تنقید کی جارہی تھی لیکن پاکستان میں فینز کو مسئلہ نہیں تھا پھر نئی ویڈیو میں ہانیہ کا بادشادہ کو گلے لگانا سب کو برہم کرگیا ہے۔
ایک سوشل میڈیا صارف نے لکھا کہ ' ہانیہ عامر کو زیادہ عزت مل گئی ہے شاید اس لیے حدیں پار کرنے کو تیار ہیں اب یہ' ، جبکہ ایک اور صارف نے لکھا کہ ' ہانیہ عامر اس مذہب کا ہی خیال کرلیں جس کی آپ پیروکار ہیں'۔