(فاران یامین) نشہ کیلئے پیسے کیوں نہیں دیتی ہو ، چوہنگ کے علاقے میں سگے بھائی نے بہن کو قتل کر دیا , پولیس نے مقدمہ درج کرکے تفتیش شروع کر دی ۔
پولیس کے مطابق مقتولہ کی شناخت 35 سالہ فریدہ بی بی کے نام سے ہوئی، ملزم اللہ دتہ نے بہن کو نشے کیلئے پیسے نہ دینے پر گولی مار دی، پولیس اور فرانزک ٹیموں نے جائے وقوعہ سے شواہد اکٹھے کر لیے، ملزم بہن فریدہ بی بی کو قتل کرنے کے بعد موقع سے فرار ہوگیا۔
پولیس نے لاش پوسٹمارٹم کیلئے مردہ خانہ منتقل کر دی، شوہر کی درخواست پر اللہ دتہ کیخلاف مقدمہ درج کر لیا گیا ہے۔ پولیس کا کہنا ہے کہ ملزم کی تلاش جاری ہے جلد گرفتار کرلیا جائے گا۔