ویب ڈیسک:امریکی شہر لاس اینجلس میں روڈ ریج کے واقعے میں ایک شخص نے اداکارہ ڈینس رچرڈز اور ان کے شوہر پر گولیاں چلا دیں۔
غیر ملکی میڈیا کے مطابق واقعے میں میاں بیوی بال بال بچ گئے، دونوں ایک سٹوڈیو کی طرف جا رہے تھے اور اداکارہ کے شوہر آرون فائیپرز گاڑی چلا رہے تھے، انہوں نے پارکنگ تلاش کرنے کیلئے گاڑی کو روکا تو اسی وقت ان کے پیچھے ایک شخص غصے میں آ گیا اور چیخنا چلانا شروع کر دیا۔
اداکارہ کے شوہر نے اس کی گاڑی کو راستہ دے دیا لیکن اس کے باوجود اس نے فائرنگ کردی، گولی اداکارہ کی ڈرائیور سیٹ کے پچھلے حصے میں لگی،اس افسوسناک واقعہ میں کوئی زخمی نہیں ہوا۔
عملے کے ایک رکن نے ان کی گاڑی میں گولی کا سوراخ دیکھا اور 911 پر کال کی،پولیس کا کہنا ہے کہ واقعہ کی تحقیقات کر رہے ہیں جلد ملزم کو گرفتار کر لیا جائے گا.