ٹبی سٹی ،معمولی تلخ کلامی پر دو افراد پر فائرنگ کر دی گئی

(فہد علی)ٹبی سٹی کے علاقے میں تلخ کلامی پر فائرنگ سے دو افراد زخمی ، پولیس نے زخمیوں کو ہسپتال منتقل کرکے ملزمان کے خلاف کاروائی شروع کردی ۔
پولیس کے مطابق ٹبی سٹی کے علاقے میں معمولی تلخ کلامی پر فائرنگ سے واجد علی اور سجاد علی زخمی ہوئے ۔ملزمان توقیر اور عثمان بٹ نے فائرنگ کی ۔ پولیس کا کہنا ہے کہ دونوں ملزمان موقع سے فرار ہو گئے ہیں۔ دونوں زخمیوں کو طبی امداد کے لیے میو ہسپتال منتقل کردیا گیا ہے ، ملزمان کے خلاف کاروائی کا آغاز کر دیا گیا ہے، جلد ملزمان کو گرفتار کر لیا جائے گا ۔