سٹی 42 :نصیر آباد پولیس کا وکیل کے چیمبر پر چھاپہ، 24 ملزمان کو جوا کرواتے رنگے ہاتھوں گرفتار کر لیا ۔
ایس پی ماڈل ٹاؤن ساعد عزیز کے مطابق نصیر آباد پولیس نے ڈی ایس پی گلبرگ کے ہمراہ وکیل کے چیمبر پر چھاپہ مارا جہاں درجنوں افراد جوا کروانے میں مصروف تھے،پولیس نے شفیق ساجد سمیت 24 ملزمان جوا کھیلتے رنگے ہاتھوں گرفتار کر کے حوالات میں بند کر دیئے۔ پولیس کے مطابق ملزمان کے قبضہ سے ایک لاکھ 35ہزار روپے،9 ایم ایم پسٹل،گولیاں اور آلات قمار بازی برآمد ہوئے،ایس پی ماڈل ٹاون کا کہنا ہے کہ ملزمان کیخلاف مقدمہ درج کر لیا گیا جن سے مزید تحقیقات کی جا رہی ہیں ۔