( زین مدنی ) کورونا کا خوف، نامور گلوکاروں کے متعدد میوزیکل کنسرٹس منسوخ ہوگئے، میوزیکل کنسرٹس منسوخ ہونے سے گلوکاروں کو لاکھوں روپے کا نقصان۔

کورونا وائرس کے خوف سے نامور گلوکاروں کے شوز منسوخ ہوگئے جس سے انہیں لاکھوں روپے کا نقصان ہوا۔ گلوکار راحت فتح علی خان، ساحرعلی بگا، علی ظفر اور سحر گل خان کے شوز منسوخ ہوئے۔ ساحر علی بگا، نبیل شوکت سمیت دیگر گلوکاروں نے آسٹریلیا جانا تھا وہ بھی شوز منسوخ ہوگئے۔

گلوکار عاصم اظہر، ملکو، بلال سعید، شفقت امانت علی خان کے شوز بھی منسوخ جبکہ متعدد کالجز اور یونیورسٹیز کے تیس سے زائد شوز منسوخ ہوئے ہیں جو لاہور سمیت دیگر شہروں میں ہونا تھے اور ان میں بھی نامور گلوکاروں نے پرفارم کرنا تھا۔

کورونا وائرس نے پوری دنیا کو اپنی لپیٹ میں لے لیا ہے اور اس لپیٹ میں دن بدن نقصان ہی ہورہا ہے اور ہر شعبہ نقصان میں جا رہا ہے۔