سٹی 42:دنیا بھر میں کورونا وائرس کے باعث اموات میں مسلسل اضافہ ہو رہا ہے اور ہلاکتوں کی تعداد 7 ہزار سے تجاوز کر گئی ہے۔اب تک صورتحال یہ ہے کہ کینیڈا اور نیدر لینڈ کی ائر لائنز نے اپنے ملازمین کی تعداد کم کردی ہے،برٹش ائیر لائنز نے اپنے 45 ہزار ملازمین کو وارننگ دی ہے کہ زیادہ نقصان کی صورت میں انہیں نوکری سے ہاتھ دھونا پڑ سکتا ہے۔ امریکا نے برطانیہ کے ساتھ پروازیں بند کردی ہیں۔

اٹلی میں مکمل لاک ڈائون ہے،گلیاں ویران ہیں تو سڑکیں سنسان ہیں،گھروں میں محصور لوگوں نے اپنا دل بہلانے اور وقت گزارنے کیلئے موسیقی کا سہارا لے لیا ہے، اٹلی میں اِس وقت ہزاروں  افراد کو قرنطینہ میں رکھا گیا ہے۔

اسی ضمن میں سوشل پر امریکی کامیڈین جیرمی میک لیلان کی  جانب سے ایک ویڈیو کلپ شیئر کی گئی جس میں دیکھا جاسکتا ہے ہے لاک ڈاؤن کے باعث اٹلی کی گلیوں میں پاکستانی قومی ترانے ’پاک سر زمین شاد باد‘ کی گونج سنائی دے رہی ہے۔ جیرمی میک لیلان  نے  لکھا کہ ’یہ بہت خوبصورت ہے، لاک ڈاؤن کی اس صورتحال میں اٹلی کا پورا محلہ پاکستانی قومی ترانہ گا رہا ہے‘۔
 

This is so beautiful. A whole neighborhood in Italy sings the Pakistani National Anthem while they’re on lockdown. pic.twitter.com/N4qxkhd8d5

— Jeremy McLellan (@JeremyMcLellan) March 16, 2020

خیال رہے کہ اس سے قبل بھی سوشل میڈیا پر کئی ویڈیوز وائرل ہوئی تھیں جس میں اٹلی کی سنسان گلیاں اطالوی باشندوں کے گانوں سے گونج اٹھیں اور انہوں نے اپنے اپنے گھروں کی بالکنیوں سے گانے گا کر سب کو محظوظ کیا تھا۔