سٹی 42 :دنیا بھر میں کورونا وائر س سے متاثرہ افراد کی تعداد ایک لاکھ 82 ہزار سے زیادہ ہے جب کہ اب تک دنیا بھر میں 7 ہزار سے زائد افراد وائرس سے ہلاک ہوچکے ہیں، پیرس،لندن ،امریکا میں لاک ڈائون کی کیفیت ہے، اٹلی میں سیاحت کے مقامات ویران ہوگئے ہیں۔گلیاں سنسان پڑی ہیں۔پروازیں بند ہونے سے دنیا الگ تھلگ ہوکر رہ گئی ہے۔
امریکی سفارتخانے کی جانب سے جاری اعلامیے کے مطابق سفارتخانےاور قونصل خانوں کی تمام ویزا اپائنٹمنٹس آج سےمعطل کردی گئی ہیں۔ ویزا سروس جلد بحال کی جائے گی لیکن اس کی کوئی تاریخ نہیں دی جا سکتی جب کہ امریکی شہریوں کےلیے خدمات معمول کے مطابق جاری رہیں گی۔
خیال رہے کہ پاکستان میں کورونا وائرس سے متاثرہ افراد کی تعداد 180 سے تجاوز کر گئی ہے جس کے باعث ملک کے بیشتر حصوں میں تفریحی مقامات، کھیلوں کی سرگرمیاں، اہم ایونٹس، مزارات پر پابندی عائد ہے جب کہ ساتھ ہی تعلیمی ادارے بند اور امتحانات ملتوی کر دیئے گئے ہیں۔سخت حفاظتی اقدامات کے تحت ملک کے صرف تین ائیرپورٹس سے سفر کرنے کی اجازت ہے۔