مانیٹرنگ ڈیسک: معروف اداکارہ پریانکا چوپڑا نے والدہ کو محبت بھرے پیغام کے ساتھ سالگرہ کی مبارکباد دیتے ہوئے جلد ملنے کی خواہش کا اظہار کردیا۔
پریانکا چوپڑا نے سماجی رابطے کی ویب سائٹ انسٹاگرام پر والدہ کی سالگرہ پر انہیں مبارکباد دیتے ہوئے ایک محبت بھرا ویڈیوپیغام شیئر کر دیا ۔
اداکارہ نےویڈیو پیغا م شیئر کرتے ہوئے لکھا کہ ’سالگرہ مبارک ہو ماں۔‘ انہوں نے اپنی والدہ کی سالگرہ کی ماضی کی تقریبات کو یاد کرتے ہوئے لکھا کہ ’مجھے آپ کا خصوصی دن مل کر منانا بہت یاد آرہا ہے ۔ ‘
اداکارہ پریانکا چوپڑا اس وقت اپنے شوہر، امریکی گلوکار نک جونس کے ساتھ امریکا میں مقیم ہیں۔ والدہ سے محبت کا اظہار کرتے ہوئے پریانکا نے لکھا کہ ’میں آپ سے بہت محبت کرتی ہوں ، جلد ہی آپ سے ملوں گی۔‘