ویب ڈیسک: پاکستان کرکٹ ٹیم کے سابق کپتان شاہد آفریدی نے اپنے داماد شاہین شاہ آفریدی کو ٹیسٹ کرکٹ میں 100 وکٹیں مکمل کرنے پر مبارک باد دی ہے۔
سماجی رابطے کی ویب سائٹ ٹوئٹر پر شاہد آفریدی نے شاہین شاہ آفریدی کی تصویر شیئر کرتے ہوئے لکھا ہے کہ 100 وکٹیں تو مکمل ہو گئی ہیں مگر مزید وکٹیں لینی ہیں۔شاہد آفریدی نے شاہین کی حوصلہ افزائی کرتے ہوئے لکھا کہ اسی طرح محنت کو جاری رکھنا ہے۔اپنی پوسٹ میں شاہد آفریدی نے داماد شاہین شاہ آفریدی کو مزید ریکارڈ بنانے کی دعا دی۔
100 wickets and more to come, InshaAllah! Congratulations @iShaheenAfridi. Keep the momentum going ????. Praying for more record breaking achievements! #PAKvSL pic.twitter.com/cetaB1CWLw
— Shahid Afridi (@SAfridiOfficial) July 16, 2023
واضح رہے کہ گزشتہ روز شاہین شاہ آفریدی نے سری لنکا کے خلاف کھیلے جانے والے گال ٹیسٹ میچ کے پہلے ہی سیشن میں ایک وکٹ حاصل کر کے ٹیسٹ کرکٹ میں اپنی 100 وکٹیں مکمل کی تھیں۔سری لنکا کے نشان مدوشکا شاہین آفریدی کے 100 ویں شکار بنے جن کو فاسٹ بولر نے سرفراز احمد کے ہاتھوں کیچ آؤٹ کروایا تھا۔
شاہین آفریدی 100 ٹیسٹ وکٹیں مکمل کرنے والے 19 ویں پاکستانی کھلاڑی بن گئے ہیں۔فاسٹ بولر نے 26 ٹیسٹ میچز میں 100 ٹیسٹ وکٹوں کا سنگِ میل عبور کیا ہے۔پاکستان کے مشتاق احمد اور عمران خان نے بھی 26 ٹیسٹ میچز میں 100 وکٹیں مکمل کی تھیں۔