(زین مدنی)پولیس نے اداکار شان کو ووٹ کاسٹ کروانے سے معذرت کرلی۔

 تفصیلات کے مطابق اپرمال پر اداکار شان پولنگ سٹیشن 6 منٹ تاخیر سے پہنچے جس پرایس ایچ او مزنگ شیخ ندیم نے ان اندر بھیجنے سے معذرت کرلی۔

ایس ایچ او کا کہنا تھا کہ اداکار شان پاکستان کی شان ہیں لیکن قانون سب کےلئے برابر ہے ۔ اداکار شان کچھ دیر انتظار کے بعد بغیر ووٹ کاسٹ کیے واپس چلے گئے۔

واضح رہے کہ پنجاب کے 20 حلقوں میں آج ضمنی الیکشن کا وقت صبح 8 سے لیکر شام 5 بجے تک تھا۔  پانچ بجے کے بعد تمام پولنگ سٹیشنز پر پولنگ کا عمل روک دیا گیا ہے۔ اس حوالے سے چیف الیکشن کمشنر کا بھی بیان سامنے آیا تھا۔ جنہوں نے پولنگ کا وقت بڑھانے کی خبروں کی سختی سے تردید کی تھی۔