سجل اور احد میں علیحدگی سے متعلق ایک اور اہم خبر آ گئی

ویب ڈیسک: پاکستانی اداکار سجل علی اور احد رضا میر نےانسٹاگرام سے ایک دوسرےکو ان فالو کر دیا۔

کچھ ماہ قبل یہ خبر سامنے آئی تھی کہ سجل علی اور احد رضا میر  نے ایک دوسرے سے علیحدگی کا فیصلہ کر لیا ہے، جس کی تصدیق پاکستانی شوبز سے منسلک ایک صحافی آمنہ حیدر نے بھی کی تھی۔اس کے کچھ دن بعد سجل نے انسٹاگرام سے اپنے ساتھ لکھے احد کا نام بھی ہٹا دیا تھا جس نے ان خبروں کو مزید ہوا دی تھی۔

تاہم اب سجل اور احد نے ایک دوسرے کو انسٹاگرام سے بھی ان فالو کر دیا ہے جس کے سکرین شاٹس سوشل میڈیا پلیٹ فارمز پر زیرِ گردش ہیں۔وائرل سکرین شاٹس پر  صارفین نے بھی اظہارِ خیال کر رہے ہیں جن میں سے کچھ لوگوں نے سوشل میڈیا پیجز سے درخواست کی کہ دونوں اداکاروں کو ان کے حال پر چھوڑ دیا جائے، یہ ان کی زندگی ہے، انہیں جو بہتر لگے گا وہ کریں گے۔

واضح رہے کہ جب احد اور سجل کی علیحدگی کی خبریں آئیں تو اس وقت چند شوبز اداکاروں نے بھی انسٹاگرام سٹوری پر اپنے پیغامات جاری کیے اور صارفین سے سجل کے بہتر مستقبل کے لیے دعا کی اپیل کی۔تاحال سجل اور   احد نے اپنی علیحدگی کی خبروں کی تصدیق نہیں کی ہے۔