ویب ڈیسک : ایک سو نوے ملین پاؤنڈ کرپشن کیس میں سزا یافتہ مجرمہ بشریٰ کو میڈیکل ایگزیمینیشن کے بعد اڈیالہ جیل کی خواتین بیرک میں قید کر دیا گیا۔ مجرمہ کو ان کے معالجوں کی بتائی ہوئی دوائیں فراہم کر دی گئیں۔
احتساب عدالت میں 190 ملین پاؤنڈ کیس میں سزاسنائے جانے کے وقت ضمانت پر رہا بشریٰ بی بی فیصلہ سننے کے لئے عدالت میں موجود تھی جبکہ عمران خان پہلے ہی اڈیالہ جیل میں قید تھے جہاں سے انہیں فیصلہ سننے کے لئے عدالت لایا گیا تھا۔
سزا سنائے جانے کے بعد قانون کے مطابق مجرمہ کو کمرہ عدالت سے گرفتار کر کے اڈیالہ جیل کی خواتین بیرک میں بھیج دیا گیا۔ جیل مینویل کے مطابق پہلے مجرمہ کا میڈیکل معائنہ کروایا گیا اور ان کی صحت کی حالت کے متعلق ڈاکیومنٹس تیار کئے گئے۔
طبی معائنے کے بعد ان کو کچھ میڈیسن دی گئیں۔ مجرمہ کے سامان میں کپڑے، جوتے، چادریں، کھانے کی اشیا، بیڈ شیٹس، تکیے اور دیگر چیزیں شامل ہیں۔
ابھی یہ معلوم نہیں ہوا کہ بشریٰ کو اڈیالہ جیل کی خواتین بیرک میں الگ سیل دیا گیا ہے یا اسے عام قیدی خواتین کے ساتھ رکھا گیا ہے۔