(علی اکبر) پنجاب حکومت وزیراعظم کےاحکامات کی روشنی میں کفایت شعاری پالیسی پرعمل کرتے ہوئےایوان وزیراعلیٰ کی گاڑیوں کے اخراجات میں بھی کمی کردی گئی۔
تفصیلات کے مطابق مسلم لیگ ن کےدورحکومت مالی سال 2016-17میں ایوان وزیراعلی کی گاڑیوں کی مرمت کی مد میں6 کروڑ29 لاکھ روپے خرچ کیےگئے،اسطرح مالی سال2017-18 میں4 کروڑ24 لاکھ روپےکےاخراجات ہوئےجبکہ مالی سال 2018-19 میں گاڑیوں کی مرمت کی مد میں 2 کروڑ93 لاکھ روپےخرچ کیےگئےہیں۔
وزیراعلیٰ پنجاب سردار عثمان بزدار کےدورمیں مالی سال 2019-20 دسمبر تک گاڑیوں کی مرمت کی مد میں 71 لاکھ روپےخرچ ہوئےہیں،جبکہ سابق دورحکومت کےمالی سال 2016-17میں محکمہ تعمیرات ومواصلات نےوزیراعلیٰ آفس کی مینٹیننس کی مد میں 2 کروڑ36 لاکھ روپےخرچ کیے,مالی سال2017-18میں2 کروڑ85 لاکھ روپےخرچ ہوئے.
بزدار حکومت کےدورمیں وزیراعلیٰ آفس کی مینٹیننس کےاخراجات میں نمایاں کمی آئی ہے،جس کے بعدمالی سال 2018-9 میں محکمہ تعمیر ات ومواصلات نےوزیراعلیٰ آفس کی مینٹیننس اورمرمت کی مد میں 2 کروڑ30 لاکھ روپے خرچ کیے،اسطرح مالی سال 2019-20 میں جنوری2020تک صرف 54 لاکھ روپےخرچ ہوئےہیں۔