بابر شہزاد ترک:اسلام آباد: پاکستان میں پولیو وائرس کے پھیلاؤ میں مسلسل اضافہ ہو رہا ہے رواں سال کے 46 دن میں91 اضلاع کے ماحولیاتی نمونوں میں پولیو وائرس کی تصدیق ہوگئی
پاکستان انسدادِ پولیو پروگرام نے یکم جنوری سے 15 فروری تک 46 دن کی تفصیلات جاری کر دیں،3 جنوری کو مُلک کے 12 اضلاع کے ماحولیاتی نمونوں میں پولیو وائرس کی تصدیق ہوئی،10 جنوری کو مُلک کے 17 اضلاع کے ماحولیاتی نمونوں میں پولیو وائرس کی تصدیق ہوئی،17 جنوری کو 4، 24 جنوری کو 3 اضلاع کے سیمپلز میں پولیو وائرس کی تصدیق ہوئی،31 جنوری کو 26، 7 فروری کو 21 اضلاع کے ماحولیاتی نمونوں میں پولیو وائرس کی تصدیق ہوئی،14 فروری کو 8 اضلاع کے ماحولیاتی نمونوں میں پولیو وائرس کی تصدیق ہوئی۔
پولیو وائرس متاثرہ صوبوں میں بلوچستان پہلے،سندھ دوسرے،خیبرپختونخوا تیسرے نمبر پر ہیں،پاکستان انسدادِ پولیو پروگرام کے مطابق رواں سال ملک میں 2 پولیو وائرس کیسز رپورٹ ہو چکے ہیں، 2024 میں 74 پولیو کیسز،493 سیوریج سیمپلز پازیٹو نکلے تھے، پولیو پھیلاؤ صورتحال کے تناظر میں 3 سے 9 فروری تک قومی پولیو مہم کا انعقاد کیا گیا،قومی پولیو مہم کے دوران ساڑھے 4 کروڑ سے زائد بچوں کو انسدادِ پولیو قطرے پلائے گئے۔