حافظ شہباز علی: پاکستان کرکٹ بورڈ نے پی ایس ایل سکس کے لیے کمنٹری پینل کا اعلان کردیا۔
پی ایس ایل کے چھٹے ایڈیشن میں بھی نامور ملکی اور غیر ملکی کمنٹیٹرز کمنٹری کریں گے۔ رمیز راجا، بازید خان، سائمن ڈول، ڈومینک کارک، ایلن ولکنز، ڈینی موریسن، جے پی ڈومینی، پومی امیبنگوا، ثنا میر اور عروج ممتاز پی ایس ایل کمنٹری پینل کا حصہ ہوں گے۔
زینب عباس پریزنٹر جبکہ طارق سعید اردو میں کمنٹری کریں گے۔ پی ایس ایل سکس 20 فروری سے کراچی میں شروع ہوگی۔
Announcing the announcers! Check out the star-studded line up of commentators and presenters for #HBLPSL6! #MatchDikhao pic.twitter.com/NJswD2IKfp
— PakistanSuperLeague (@thePSLt20) February 17, 2021
دوسری جانب پی ایس ایل کے چھٹے سیزن کیلئے مغل سٹیل اور لاہور قلندر کے درمیان معاہدہ طے پا گیا ہے۔ معاہدہ پر لاہور قلندر چیف ایگزیکٹیو عاطف رانا اور سی ای او مغل سٹیل خرم مغل نے دستخط کئے۔ تقریب میں مغل سٹیل کے چیئرمین جاوید مغل، سی ای او خرم مغل اور ڈائریکٹرز و بورڈ کے ممبران نے شرکت کی۔