زاہد چوہدری : قومی انسداد پولیو مہم کا دوسرا روز جاری ہے پولیو ٹیمیں گھر گھر قطرے پلانے میں مصروف ہیں ۔ 
پہلے روز پنجاب میں 49 لاکھ سے زائد بچوں کو قطرے پلائے گئے،لاہور میں 2 لاکھ سے زائد بچوں کو قطرے پلائے گئے،ملتان میں 2 لاکھ سے زائد بچوں کو قطرے پلائے گئے
فیصل آباد میں 2 لاکھ سے زائد بچوں کو قطرے پلائے گئے،راولپنڈی میں 1 لاکھ 45 ہزار بچوں کو قطرے پلائے گئے،پنجاب بھر میں 33 ہزار سے زائد مہمان بچوں کو قطرے پلائے گئے۔

سربراہ انسداد پولیو پروگرام  عدیل تصور کا کہنا ہے کہ مہم کا مقصد پولیو وائرس کی افزائش کو روکنا ہے، والدین پولیو ٹیموں سے تعاون کریں 

وزیر اعلیٰ پنجاب مریم نواز نے  پولیس اور انتظامیہ کو پولیوورکرز کی سکیورٹی کیلئے فول پروف انتظامات کی ہدایت کرتے ہوئے کہا پولیوورکرز کا تحفظ یقینی بنانا حکومت کی ذمہ داری ہے۔   بچوں کو عمر بھر کی معذوری سے بچانے کیلئے اینٹی پولیو ویکسینیشن ضروری ہے،پنجاب کو پولیو فری بنانا ہمارا عزم ہے۔

وزیراعلیٰ مریم نواز  نے پولیو ورکرز کی خدمات کو خراج تحسین پیش کیا اورمزید محنت کی تلقین کی ۔ عوام سے پولیو ورکرز سے بھرپور تعاون کی اپیل کی ۔