ویب ڈیسک :نامور اداکارہ  ماہرہ خان کا کہنا ہے کہ سنجے لیلیٰ بھنسالی نے 15 سال قبل مجھے "ہیرا منڈی" آفر کی تھی

 یہ انکشاف ماہرہ خان نے ایک انٹرویو کے دوران کیا جس میں انہوں نے بتایا کہ وہ ایک دوست کی شادی میں شرکت کیلئے ممبئی میں موجود تھیں جب انہیں " ہیرا منڈی"کی پیشکش ہوئی ۔ ان کی دوست اپنی شادی کا جوڑا پسند کرنے کیلئے رضوان بیگ اور معین بیگ ڈیزائنر کے پاس موجود تھی جب وہ ایک پاکستانی اداکارہ کی تلاش سے متعلق بات کر رہے تھے۔

 ماہرہ خان کی دوست نے رضوان بیگ کو ماہرہ کو کاسٹ کرنے کا مشورہ دیا جو اس وقت بطور وی جے ٹی وی پر کام کرتی تھیں، جس کے بعد ماہرہ خان کی سنجے لیلیٰ بھنسالی سے ملاقات کروائی گئی اور انہوں نے اداکارہ کو "ہیرا منڈی" میں کاسٹ کرنے کی خواہش کا اظہار کیا۔ماہرہ خان نے بتایا کہ بدقسمتی سے اس کے بعد ممبئی حملے ہوگئے اور دونوں ممالک کے درمیان تعلقات کشیدہ ہوگئے جبکہ سنجے لیلیٰ بھنسالی اس وقت رنبیر کپور اور سونم کپور کی ڈیبیو فلم میں مصروف تھے۔