ویب ڈیسک:دنیا بھر میں موجود بالی ووڈ سپر سٹار سلمان خان کے مداحوں کو اس مرتبہ اداکار کی سالگرہ پر بڑا سرپرائز ملے گا۔

ریلیز کے مراحل میں موجود سلمان خان کی فلم سکندر کی ایک جھلک دیکھنے کے لیے ان کے لاکھوں مداح کافی وقت سے بے قرار ہیں۔

بھارتی میڈیا کے مطابق متعدد جان لیوا دھمکیوں کے باوجود سلمان خان نے فلم کی شوٹنگ جاری رکھی ہوئی ہے،اس فلم کے پروڈیوسر ساجد ناڈیا والا نے انکشاف کیا ہے کہ فلم سکندر کا ٹیزر اداکار کی 59 ویں سالگرہ کے دن جاری کیا جائے گا۔

سلمان خان 27 دسمبر کو اپنی 59 ویں سالگرہ منائیں گے اور اب اسی دن ان کی فلم کا ٹیزر بھی مداحوں کے لیے سامنے آئے گا۔

بھارتی میڈیا کے مطابق یہی نہیں سلمان خان کے سالگرہ کی تقریب کے دوران فلم کا پوسٹر بھی جاری کیا جائے گا۔

ایکشن اور تھرل سے بھرپور اس فلم میں سلمان خان کے مقابل رشمیکا مندانا ہیں اور یہ فلم اگلے سال عید کے موقع پر ریلیز کی جائے گی۔

بھارتی میڈیا کے مطابق فلم سکندر کی شوٹنگ مکمل کرنے کے بعد سلمان خان کچھ ہی وقفے کے بعد دوبارہ ایک اور فلم کی شوٹنگ شروع کر دیں گے۔