ویب ڈیسک:بالی وڈ سپراسٹار اکشے کمار کی ایک وڈیو نے سلمان خان کو جذباتی کردیا۔
تفصیلات کے مطابق رواں برس کے آغاز میں اکشے کمار اپنی فلم ’رکھشا بندھن‘ کی پروموشن کے لیے ایک ٹی وی شو کا حصہ تھے، وہاں ان کی بہن نے اپنے بھائی کے لیے جذباتی کلمات کہے تھے، جس کے بعد اکشے کمار اپنے جذبات پر قابو نہ رکھتے ہوئے روپڑے تھے۔ اکشے کمار کی یہ ویڈیو سوشل میڈیا پر خوب وائرل ہوئی جس پر صارفین سمیت اداکاروں نے محبت بھرے الفاظ کہے۔
View this post on Instagram
کشے کمار کی اس وڈیو نے دبنگ اداکار سلمان خان کو اس قدر جذباتی کردیا کہ انہوں نے اپنے جذبات کا اظہار کرتے ہوئے اکشے کمار کے لیے محبت بھرے الفاظ لکھے اور اپنے پیغام سوشل میڈیا پر شیئر کیا۔ انسٹاگرام اسٹوریز پر سلمان خان نے ایک اکشے کمار کا کلپ پوسٹ کیا جس کے کیپشن میں کہا کہ مجھے ابھی ایسی چیز ملی، جسے میں نے آپ کے ساتھ شیئر کرنے سے متعلق سوچا۔
اداکار نے مزید کہا کہ اکشے کمار، اللّٰہ تم کو خوش رکھے، واقعی حیرت ہوئی یہ دیکھ کر اور اچھا بھی لگا، آپ صحت مند رہیں، کام کریں اور خدا ہمیشہ آپ کے ساتھ ہو۔دوسری طرف اکشے کمار نے سلمان خان کی پوسٹ کو اپنے انسٹاگرام پر ری شیئر کیا اور انہیں مخاطب کرتے ہوئے کہا کہ مجھے بہت اچھا لگا، آپ چمکتے رہیں۔