گارڈن ٹاؤن (سٹی42) معروف اداکارہ صبا قمر، احسن خان اور میکال ذوالفقار ڈرامہ سیریل ''فراڈ ''میں اکٹھے نظر آئیں گے، اس ڈرامے کی کہانی زنجیبل عاصم شاہ نے تحریر کی ہے اور اسے آئی ڈریم انٹرٹینمنٹ کی جانب سے پروڈیوس کیا جائے گا۔

ثاقب خان کی ہدایات میں بنائے جانے والے اس ڈرامے کو نجی ٹی وی چینل پر نشر کیا جائے گا جس کی حتمی تاریخ تاحال سامنے نہیں آئی، اداکار ہ صبا قمر کے بعد اداکارہ امیکال ذوالفقار نے بھی انسٹاگرام پر اپنے نئے ڈرامے کا اعلان کیا۔ انہوں نے اپنی پوسٹ میں لکھا کہ صرف وقت بتائے گا کہ وہ دوسروں کو دھوکہ دے گا یا لوگ اسے دھوکہ دیں گے،اس ڈرامے کے ذریعے احسن خان اور صبا قمر طویل عرصے بعد اسکرین پر ایک ساتھ نظر آئیں گے۔

انہوں نے آخری مرتبہ زی فائیو کی فلم مومل رانو میں کام کیا تھا، صبا قمر، احسن خان اور میکال ذوالفقار اس سے قبل 2011 میں ڈرامہ سیریل پانی جیسا پیار میں بھی ایک ساتھ کام کرچکے ہیں۔