عمر اسلم: مسلم لیگ ن کی ترجمان مریم اورنگزیب کی لیگی رہنما حنیف عباسی کی نیب طلبی کی مذمت،   مریم اورنگزیب نے کہا ہے  کہ نیب نیازی گٹھ جوڑ سیاسی انتقام کے مشن پر ہے۔

 مسلم لیگ ن کی ترجمان مریم اورنگزیب کا کہناہےکہ حنیف عباسی کو نیب کی جانب سےبھجوایا جانے والا سوالنامہ مضحکہ خیز اور تضادات کا مجموعہ ہے، نیب نیازی گٹھ  جوڑ کے خلاف سپریم کورٹ، اسلامی نظریاتی کونسل،بارایسوسی ایشنز اورعوام اپنا عدم اعتماد کا نوٹس جاری کرچکی ہیں۔

پاکستان  مسلم لیگ ن کی ترجمان مریم اورنگزیب  کا مزید کہنا تھا کہ نیب نیازی گٹھ جوڑ نےملک میں احتساب کا مذاق اور سیاسی انتقام کی تاریخی مثال قائم کی ہے،  حنیف عباسی نوازشریف کے بہادر،وفادار سپاہی اور ساتھی ہیں، ہرطوفان کا حنیف عباسی نے ڈٹ کا سامنا کیا اور سرخرو ہوئے، ایک بار پھر سرخرو ہوں گے ۔

 یاد رہے کہ ہ نیب نے لیگی رہنما حنیف عباسی کو طلب  کیا تھا  حنیف عباسی بھی نیب پہنچ گئے ہیں، نیب نے حنیف عباسی کو سپورٹس بورڈ کرپشن کیس میں طلب کیاہے، ذرائع کاکہناہے کہ نیب کی جانب سے لیگی رہنما کو 20 سوالوں پر مشتمل سوالنامہ بھی ارسال کیاگیا ہے، حنیف عباسی کو تمام سوالوں کے جوابات کے ہمراہ پیش ہونے کی ہدایت کی گئی  تھی۔