سٹی42:  نوکری چھوڑنے کے لئے استعفیٰ ٹوائلٹ پیپر پر لکھنے والے ملازم کو سوشل پلیٹ فارمز پر غیر معمولی توجہ مل گئی۔

اس ملازم کو کمپنی سے شکایت پیدا ہوئی تو اس نے اپنا استعفیٰ ٹوائلٹ پیپر پر لکھ پر دیا اور اس استعفے میں یہ بھی لکھ دیا کہ ٹوائلٹ پیپر کا استعفا لکھنے کے لئے اس تعمال یہ بتانے کے لئے ہے کہ وہ کمپنی کے متعلق  یہ سمجھتا ہے کہ کمپنی نے اسے ٹوائلٹ پیپر کی طرح استعمال کیا ہے۔

 ملازم کی جانب سے لکھے گئے استعفے کی تصویر سوشل میڈیا پر وائرل ہورہی ہے جس کی وجہ استعفیٰ لکھنے کے لیے استعمال ہونے والا کاغذ ہے۔

عرب میڈیا کے مطابق سماجی رابطے کے پلیٹ فارم لنکڈ ان پر ایک کمپنی کی خاتون ڈائریکٹر نے ایک  ملازم کی جانب سے لکھے گئے استعفے کی تصویر شیئر کی ہے جو اس نے ٹوائلٹ پیپر پر لکھ کر دیا۔

خاتون  ڈائریکٹر نے تصویر کے ساتھ لکھا کہ ان کی کمپنی کے ایک ملازم نے کمپنی چھوڑنے کی وجہ بتاتے ہوئے ان سے کہا تھا کہ اسے ایسا محسوس ہوتا ہے جیسے وہ ایک ٹوائلٹ پیپر ہے جسے ضرورت کے وقت استعمال کیا جاتا ہے اور پھر  سوچے سمجھے بغیر پھینک دیا جاتا ہے۔

خاتون ن ڈائریکٹر نے لکنڈ اِن پر لکھا کہ ملازم کے یہ الفاظ ان پر گہرا اثر چھوڑ گئے۔ انہوں نے لکھا کہ اپنے ملازمین کو یہ محسوس کروائیں کہ وہ اہم ہیں تاکہ جب وہ ملازمت چھوڑ کر جائیں بھی تو شکایت نہیں بلکہ شکرگزاری کے ساتھ جائیں۔

انہوں نے لکھا کہ کسی ملازم کی قدر صرف اس کے کام کی وجہ سے نہیں ہونی چاہیے بلکہ اس کی شخصیت کی بھی اہمیت ہونی چاہیے۔

خاتون نے یہ بھی واضح کیا کہ ممکن ہے یہ تصویر نمائشی ہو تاہم انہوں نے اس بات کی تصدیق نہیں کی کہ آیا انہوں نے جو تصویر پوسٹ کی ہے وہ اصل استعفیٰ ہے یا نہیں۔

ان کی اس پوسٹ پر تبصروں کا طوفان آگیا اور کئی صارفین نے ان کی سوچ اور مشوروں کی تعریف کی۔