(مانیٹرنگ ڈیسک) سابق ٹیسٹ کرکٹر فیصل اقبال اور ماضی کے کامیاب لیگ اسپنر دانش کنیریا میں لفظی جنگ چھڑ گئی۔

سوشل میڈیا پر دونوں طرف سے الزامات کی بوچھاڑ جاری ہے، ایک ٹیسٹ میچ میں دانش کنیریا کے طنز کا جواب دیتے ہوئے برائن لاارا نے چھکوں کی برسات کردی تھی، ویڈیو وائرل ہوئی تو فیصل اقبال نے تبصرہ کردیا کہ میں خود اس میچ میں 12 واں کھلاڑی تھا، دانش کنیریا کے طنزیہ جملے کے جواب میں کنگ لارا کے چھکے دیکھنے کو ملے، بعد میں لیگ اسپنر خود ڈرے سہمے نظر آئے۔

I have taken @BrianLara’s wicket 5 times in my career. He was a good cricketer. If PCB had supported me, I would have broken many big records. @Inzamam08 https://t.co/RJHb3xR1r7

— Danish Kaneria (@DanishKaneria61) April 12, 2020

دانش کنیریا نے کہا کہ برائن لارا اچھے کرکٹر تھے لیکن میں نے ان کو 5 بار آؤٹ بھی کیا، فیصل اقبال اپنے کیریئر کے اعداد و شمار پر نظر ڈالیں، ساتھ یہ بھی بتائیں کہ میں نے پاکستان کو کتنے میچ جتوائے، جواب میں فیصل اقبال نے دانش کنیریا کو کہا کہ میرے کیرِیئر کے اعداد و شمار ایک فکسر اور جھوٹے سے بہتر ہیں، کس نے برسوں تک لالچ کی وجہ سے اپنا ضمیر فروخت کیا اور ہمدردیاں حاصل کرنے کیلئے مذہب کا کارڈ استعمال کررہا ہے، میں نے ملک کا پرچم سینے پر سجا کر جو بھی کارکردگی دکھائی اس پر فخر ہے، کوئی داغ تو نہیں۔

I never sold my country for money. I am proud to be a Pakistani ????????. There are people who have sold their country and who are still welcomed in the team. Will you speak about them? And everyone knows how you have played cricket.

Attention seeker ???? https://t.co/v2Kmh9BNrj

— Danish Kaneria (@DanishKaneria61) April 15, 2020

جس پر دانش کنیریا نے جواب دیا کہ میں نے کبھی پیسوں کے لیے اپنے ملک کو نہیں بیچا اور مجھے پاکستانی ہونے پر فخر ہے لیکن بہت سے کھلاڑیوں نے اپنے ملک کو بیچا اور انہیں آج بھی خوش آمدید کہا جاتا ہے۔