تنخواہ کیوں نہیں دی؟ مشتعل ڈرائیور نے 6 ٹرک تباہ کردیئے، ویڈیو دیکھیں

ویب ڈیسک:  ترکی میں تنخواہ نہ دینے پر مشتعل کرین ڈرائیور نے اپنی کرین سے کول کمپنی کے  چھ ٹرک تباہ کردئیے۔
رپورٹ کے مطابق ترکی کے صوبے سرناک میں کان کن کمپنی میں بطور ڈرائیورکام کرنے والے حاکن کو ایک ماہ سے تنخواہ نہیں ملی تھی ۔ حاکن ماؤنٹ کڈی میں واقع  اپنے چچا کی کوئلہ کی کانوں میں کام کرتا ہے ۔  اس کو ایک ماہ سے تنخواہ نہیں ملی تھی جس پر وہ اکاؤنٹنٹ کے پاس گیا تاہم اس نے بھی ٹال مٹول سے کام لیا جس پر مشتعل حاکن نے اپنی کرین میں بیٹھ کر پارکنگ میں کھڑے چھ ٹرک یکے بعد دیگرے  تباہ کردئیے جن میں سے ہر ایک کی مالیت ایک لاکھ برطانوی پاؤنڈ (دوکروڑ چونتیس لاکھ پاکستانی روپے ) ہے۔ سوشل میڈیا پر ویڈیو وائرل ہوگئی ۔ جس کے بعد ڈرائیور اور مالک میں معاملات طے پاگئے لیکن ان کی تفصیل سامنے نہیں آئی۔