ویب ڈیسک: وزیراعلیٰ پنجاب سردار عثمان بزدار کے مختلف اضلاع کے سرپرائز وزٹ شروع وزیراعلیٰ عثمان بزدار لاہور سے اچانک سمبڑیال پہنچ گئے۔
وزیراعلیٰ عثمان بزدار کا تحصیل ہیڈکوارٹر ہسپتال سمبڑیال کا دورہ ، وزیراعلیٰ عثمان بز دار نے ہسپتال کے انتظامات اور مریضوں کو فراہم کردہ سہولتوں کا جائزہ لیا۔ وزیراعلیٰ عثمان بزدار نے مریضوں اور تیمارداروں سے بات چیت کی، خواتین تیمارداروں نے وزیراعلیٰ عثمان بزدار سے لڑائی جھگڑے کے کیس میں دادرسی کی درخواست کی وزیراعلیٰ عثمان بزدار نے خواتین کو داد رسی اور میرٹ کی یقین دہانی کرائی۔
وزیراعلیٰ عثمان بزدار نے فوری طور پر ڈی پی او سیالکوٹ کو طلب کر لیا اور میرٹ کے مطابق خواتین کی دادرسی کا حکم دے دیا۔ وزیراعلیٰ عثمان بزدارنے ڈاکٹروں کو مریضوں کے ساتھ حسن سلوک کی ہدایت، عثمان بزدارنے کہا کہ مریضوں کے ساتھ اچھا سلوک ڈاکٹروں کا شیوہ ہونا چاہیئے، ڈاکٹروں کو انسانیت کی خدمت کے عزم پر عمل کرنا چاہیئے، انہوں نے ہسپتال میں علاج معالجے کی سہولتوں کو مزید بہتر بنانے کی ہدایت کردی، صوبائی وزیر جیل خانہ جات و ترجمان پنجاب حکومت فیاض الحسن چوہان بھی اس موقع پر موجود تھے۔