وقاص عظیم :چئیرمین پاکستان کرکٹ بورڈ محسن نقوی کی انگلینڈ و ویلز کرکٹ بورڈ کے چیئرمین رچرڈ تھامسن سے ملاقات ہوئی ۔
چئیرمین ای سی بی رچرڈ تھامسن نے چیمپئنز ٹرافی ٹورنامنٹ کے سلسلے میں چئیرمین محسن نقوی اور پی سی بی کے لئے نیک خواہشات کااظہار کیا، کہا کہ انگلینڈ کا حالیہ دورہ پاکستان انتہائی شاندار رہا، چیمپئنز ٹرافی ٹورنامنٹ کے لئے ہماری نیک تمنائیں پاکستان کے ساتھ ہیں۔
محسن نقوی نے کہا کہ پاکستان آئی سی سی چیمپئنز ٹرافی ٹورنامنٹ کے لئے تیار ہے، سٹیڈیمز کو جدید انداز میں اپ گریڈ کیا جا رہا ہے، چیمپئنز ٹرافی ٹورنامنٹ کے لئے ہر سطح پر فول پروف انتظامات کیے جا رہے ہیں۔ انہوں نے کہا کہ مہمان ٹیموں کو سٹیٹ گیسٹ کا پروٹوکول دیا جائے گا۔
چئیرمین انگلینڈ و ویلز کرکٹ بورڈ رچرڈ تھامسن نے حالیہ دورہ کے دوران شاندار مہمانداری پر چئیرمین پی سی بی محسن نقوی کا شکریہ بھی ادا کیا ۔